Nagngisi ang tigre sa iyang bukton
Namintana ning sayong kabuntagon
Mikagot ang mga tango ug ngipon
Magtindog siya sa daplin sa kanto
Gikan buntag hangtod kilomkilom
Nagngisi ang tigre sa iyang bukton
Siya mangilkil sa mga PUJ driver
Kaniya moitsa silag kwarta samtang
Mikagot ang mga tango ug ngipon
Wa siyay hunong sa pagsigarilyo
Ang pikas kamot nagsapnay ni Kulafu
Nagngisi ang tigre sa iyang bukton
Mahanaw unta ang tigre nga nagngisi
Pangaliya sa iyang asawa samtang
Mikagot ang mga tango ug ngipon
Ipalit nyag T5 mga sensilyong natigom
Mag-inom taman mosihag ang kabugason.
Nagngisi ang tigre sa iyang bukton
Mikagot ang mga tango ug ngipon
[Napatik sa Bituon, A Literary Folio of Xavier University-Ateneo de Cagayan. Volume 1, 2008. Pahina 15]
Subscribe to:
Post Comments (Atom)
No comments:
Post a Comment